清洗馬桶工具1：梳打粉
a. 將半杯梳打粉撒係馬桶度，然後用滾水浸半個鐘，可以清洗較輕污垢
b. 對於頑固黃色鏽斑，將梳打粉撒係馬桶內放置10分鐘，然後用廁所刷清洗馬桶即可。
c. 如果係頑固污漬，可搭配醋使用，充分浸透後用刷清洗馬桶，容易被忽略嘅馬桶外側底座，亦可用同樣方法清洗後用布抹乾，或用細鋼絲刷沾梳打粉擦除。
清洗馬桶工具2：可樂
將之倒入馬桶浸一個鐘，污垢一般就可以被清除，如果清除唔夠徹底，可用刷清洗，可樂嘅檸檬酸可以將玻璃質地類陶瓷上嘅污漬消除。
清洗馬桶工具3：洗頭水
如果怕用鹽酸類嘅廁所清潔劑刺激傷害小朋友，用洗頭水亦足以清洗污糟嘅馬桶，清潔方法同平時洗廁所一樣，清潔效果一樣，但刺激性低，仲無難聞氣味。
清洗馬桶工具4：白醋
將醋同清水混合倒入馬桶，浸幾個鐘，再沖走便可，既可消毒，又有除臭效果。
清洗馬桶工具5：清潔劑
對於馬桶邊緣所形成嘅黃色污垢，
i. 將舊襪綁係棍嘅一邊
ii. 係馬桶內放入適量水
iii. 用馬桶刷清洗一次後，再倒入小許清潔劑，用刷均勻後沖走
iv. 如果污垢嚴重，可再倒少許清潔劑浸半個鐘後刷洗，每個星期一次。
清洗馬桶工具6：番梘
用一塊紗布或舊絲襪，將番梘裝入後紮緊掛係馬桶水箱度，番梘溶係水中，可以起到清洗馬桶嘅作用。
至於平時較易忽略嘅馬桶外側底座，應用清潔劑清洗一次，再用水沖洗乾淨，最後，乾淨抹布抹乾便可。
座廁清潔小技巧1：巧除馬桶水垢
洗手盤或馬桶，經常黏水垢污漬，難以去除，可以利用耐水砂紙輕輕摩擦，會有意想不到嘅效果。
座廁清潔小技巧2：巧除馬桶儲水箱黃垢
造成黃垢嘅主要原因係來自水中嘅礦物質，如果產生黃斑嘅話，
i. 可用布塞住出水口
ii. 注入熱水後再溶入少許漂白水
iii. 靜置10分鐘後再用刷刷洗。
座廁清潔小技巧3：去除馬桶尿垢技巧
i. 先將馬桶內嘅水分排走，水分留得越少越好
ii. 然後將漂白水倒係廁所刷上伸進馬桶內壁及底部曲頸各處
iii. 然後最少浸半個鐘再用清水沖洗，黃漬同臭味就會隨漂白水清除乾淨
*裝修佬提示，漂白水唔可以同任何酸性洗潔劑同時使用，以免產生氯氣，造成危險。
(以上圖片均來自網路，如有任何版權問題，請與本站聯絡)
想了解更多裝修資訊，請瀏覽裝修佬專欄：
【香港案例】梅窩卓濤軒400呎單位 開揚海景家居
全開放式室內設計最啱睇戲玩VR！
防盜得CCTV唔夠？ 專家顧問Eric 教路
家居防盜有3 度防線！